ini
لە ئیلامەوە تا ماکۆ
لە ئیلامەوە تا ماکۆ چەپکێک نێرگز
هەوراز و نشێوی ڕۆژگاری پەڕ لە مەینەتی ژیان، مێژووی تەژی لە خوێن و قوربانی دانمان، ئاه و کۆستی دایکانی پرچ سپی و جەرگ سووتاوی سەربەرزی نیشتمان، خوێنی ئاڵی شۆڕە لاوانمان، سەنگەری پر لەشانازی کچانی خۆر، دەستی ماندووتان بەگەرمی دەگوشین و چاوانی پڕ لە هیواتان ماچ دەکین، سەری ڕێز بۆ مێژووی پڕ لە سەروەریتان .
بزوتنەوەی هیوا، کە وەکوو زەرورەتێکی مێژووی لە بۆشایەکی خەباتی سەربەخۆیی خۆازانەی راستەقینەی گەلی کورد خوڵقا، بە جۆش و خرۆش، وەکوو زەریایەک پڕ لە تووڕەیی مێژوو، وەکوو ئەسپێکی سەرکەش بە دۆڵ و نشێوی پڕ لە حیماسەتی کوردستانەوە، یاخێک لە قووڵایی دڵی خاکەوە، ئەوینێک لە وێنەی مەم و زین، ئاوازێک لە خۆرەی پڕ لەرازی ڕووبارەکانی کوردستان، ئاسۆێک تا سەر لە نوێ مێژووی پڕ لە سەروەری کورد بنوسێتەوە. هیوا ڕێژنەی بارانەوە تینوێتی خاک دەشکێنێت.
مێژووی خەباتی گەلەکمان، کە لە هەر لاوە تەماشای دەکەی پر لە رەنج و ماڵوێرانی و بە فیڕۆ چوونی وەزەو هێزی تێکۆشانە.
مێژووی شوڕشەکانی کورد هەمیشە لە دەستپێکەوە بە گڕوتینێکەوە سەری هەڵداوە، بەڵام لە کۆتاییدا، دەستێ ناپاکی و خەیانەت، سەر لە نوێ بەردوویەتەوە، سەر بەڕەی داگیرکەران .
هیوا شێلگیرانە هەتا ئەو ڕۆژە گەل بە سەربەستی و ئازادی نەگات، هیچ بەربەستێک، ناتوانێت ڕێگری بێت، بێوچان هەموو هەنگاوەکان سەرکەوتوویانە دەبڕێت .
هیوا هاواریکە لە قووڵایی و ناخی هەموو چین و توێژەکانی کۆمەڵگای کوردستان، دەنگێک لە سەمفۆنیای نەبیستراو، نەعرەتەیەکە، کە مەرگی بە چۆک داهێناوە و ژیانی شەرافەتمەندانە پێشکەش دەکات، هێمایەکی نوێ دەخولقێنێت و سروودی سەرکەوتن دەچڕێنێت، تا ئاڵای کوردستان لە بەرزترین لوتکەی نیشتمان بە دەست و ڕۆحی پر لە ئەوینتان بۆ هەمیشە بەشەکێتەوە.
